الشاعر حكمت البيداري ,, بيدارو العراق

هلاً وسهلاً بكم في الموقع الشخصي
للشاعر والكاتب العراقي حكمت البيداري

للأخوة الراغبين بالتسجيل
يرجى الأطلاع على التعليمات
مع التقدير ،،

تفضل للتسجيل أو الدخول ..


موقع خاص بأعمال الشاعر والكاتب العراقي حكمت البيداري ,, بيدارو العراق ,, للشعر الشعبي والعامية العربية
 
الرئيسيةالرئيسية  دخولدخول  التسجيلالتسجيل  البوابةالبوابة  

شاطر | 
 

 هذيچ الأيام ..

اذهب الى الأسفل 
كاتب الموضوعرسالة
بيدارو العراق
الأدارة
الأدارة
avatar

علم الدولة : العراق
الجنس : ذكر
عدد الرسائل : 117
العمل أو المهنة : كاتب وشاعر وسياسي مستقل
تاريخ التسجيل : 24/10/2007

مُساهمةموضوع: هذيچ الأيام ..   الخميس أكتوبر 25, 2007 9:17 pm

هذيچ الأيام ..
رغم مرارتها
والمذله والهوان
رغم قسوتها
والسجن والسجان
رغم ماچنا محسوب
مثل البشر والإنسان
رغم كل هذا وذاك
نبقى نحن ونشتاگ
لهذيچ الأيام ..

هذيچ الأيام ..
چنا عايشين مجبورين
بس يمر بينا يومنا
ونحلم بالوطن
يصير أحلى وطن، بس ابنومنا
ونحلم بالرصيف والشارع
يصير أنظف من هدومنا
هذيچ الأيام ..

هذيچ الأيام ..
وين مارحنا
وين منروح
سوالفنه وحچينه
جروح بجروح
طبع بينا صار
بس نشكي، ونشتكي حالنا
هلبت تخلص الأسرار
هلبت التاريخ ينسى
يگوم ينفض أبنفسة
شبيه مابيه من أثار الدمار
وسنينه القذره والنگسه
عمرنا أنگضى وخلص
وهوا البقى ولي هسه
يصرخ يصيح
الثار .. الثار
لهذيچ الأيام ..

هذيچ الأيام ..
ياوسفه
حلوها مادام
ومرها
آخ من مرها
خلانا أيتام
خلانا أغراب
نلف العالم لف
إيد من ورا وإيد من گدام
عايشين بطرگ الحزن
وين مانگعد گعد
وين ما گمنا گام
وين مانمه ينام
گوة .. كوه يذكرنا
بهذيچ الأيام ..

بهذيچ الأيام ..
ساعة أمنا
أتصيح يمه
لصدرها أتضمنا
ساعة أبونا
يصيح أبوي
يشپگنا يشمنا
ساعة أختنا
أتصيح أخويه
ساعة اخونا
يصيح أخوي
هناك عمي، أهناك خالي
مايوم مر بيتنا خالي
الحبايب والگرايب
والأمن والرفاق
التقارير والنفاق
وين ما نلتاف
داير مايدورنا
بهذيچ الأيام ..

بهذيچ الأيام ..
جم صاحب أبصاحب
أخذوه وبعد ماشفناه
مثلهم وين وين الگه وأصاحب
شيفد الوسفى والآه
سوى أتربينا وكبرنا
أتحملنا وصبرنا
زرعنا وماحصدنا
تعبنا ومالعبنا
ياما وزعنه ولزگنا
على الدنگ والحيطان
مناشير تجمد الاوطان
ومطالب لحرية الانسان
سوى صحنا الله واكبر
الله اكبر من الطغيان
بهذيچ الأيام ..

هذيچ الأيام ..
على يا مال وشلون تنحسب
على ياحال وشچان الذنب
لاجل قومية لاجل نسب
لاجل عشيرة لاجل مذهب
هاي ياقومية هذا يانسب
يادين يرضى بالبشر يتعذب
لاجل كرسي حكم ومقعد
لو من خشب لو من ذهب
وين صار وين دار
وين اللي گعد
وين اللى لزگ وبيه چلب
بيا مزبله تالي آنذب
بيا نار انصهر بيا لهب
لاجل جاه لاجل سلطان
لازم يموت كل الشعب ..

معلوم ياشعب معلوم
الچلب من يومه مچلوب
مو من البارحه أنچلب
وتشهد الايام ..

حكمت البيداري
الرجوع الى أعلى الصفحة اذهب الى الأسفل
http://albidary.darbalkalam.com
 
هذيچ الأيام ..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الشاعر حكمت البيداري ,, بيدارو العراق :: الشعر الشعبي العراقي والعامية العربية : بقلم حكمت البيداري :: مجموعة: القَصائد الوطنية :: مجموعة: الوضع جاف-
انتقل الى: